sábado, 4 de noviembre de 2017

DAME DE BEBER



Din que se é máis terrible morrer de sede que de fame. E hoxe, a nosa terra, leva uns meses cunha sede terrible. A choiva destes días, despois de estar insistentemente rezando, so é unha pinga que non remedia a necesidade que estamos a ter.
Mañá teremos na Franqueira unhas oracións especiais para pedirlle ao Señor que nos bendiga co precioso agasallo da auga. Pero tamén quixera expresar alguhas ideas:

1.- Non recoñecemos a importancia das cousas ata que as temos en falta.
2.- Na sobreabundancia somos derrochadores.
3.- O pensamento económico supedita o ben común a longo prazo por un beneficio inmediato. Prefrimos estar en outubro na praia e con calor, ainda que supoña a morte do ecosistema, con tal de que teñamos beneficios.
4.- Os mananciais non son eternos, sobre todo, se non se coidan.
5.- Necesitamos unha conciencia globalizada, se coido esta parcela contribúo ao ben de todos.
6.- Se nos estamos necesitados, imaxinemos, aos que viven noutros lugares do mundo.

Benqueridos, sigamos pedindo ao Señor que nos bendiga, que nos faga conscientes que todo don ben del.

Nosa Señora da Franqueira, axúdanos.

Feliz día
Xabier Alonso

No hay comentarios:

Publicar un comentario